المهندس حديث التخرج ومعاناته
بسم الله الرحمن الرحيم والصلاه والسلام على رسول الله صلى الله عليه وسلم .
هتكلم معاكم النهارده عن موضوع مهم كل واحد فينا مر بيه لما كنا حديثى التخرج .....صلى على النبى
فى البدايه لو حضرتك أو حضريتك لسه خريج جديد لازم تكون عارف أنك مش هتشتغل بسهوله لأن صاحب العمل عاوز واحد يكون فاهم ويعرف يستفيد بيه وطبعا ده بيقلل من فرصتك كمهندس حديث تخرج غير بقا لو أنت عندك حد معرفه يشغلك وكده
طب أنا ياهندسه على الله أعمل أيه هقولك بس .....صلى على النبى الأول .
بص ياهندسه بعد التخرج حاول طبعا أنك تنزل الموقع حتى لو مش هتاخد فلوس أو حتى هتاحد فلوس بسيطه
متفكرش فالفلوس دلوقتى ...... طب ليه ياهندسه يعنى بعد 5 سنين هندسه وممكن مخدش مرتب خااااالص أو أخد مرتب بسيط .
أه ياهندسه فى بدايتك متفكرش ففلوس فكر فالخبره اللهتتحول لفلوس بعدين .
وخلى بالك كمان يبقى حظك حلو لو ربنا رزقك بمهندس يراعى ربنا فيك يعنى ميبخلش عليك بالمعلومات لأن مع الأسف فيه ناس مبتحبش تفيد .
طب ياهندسه مفيش أى فرصه خااااااالص والدنيا مقفله فوشى ومش عاااارف انزل موقع أعمل أيه طيب ....صلى على النبى .
هقولك حاول تتعلم برامج التصميم وشغل المكتب الفنى وإداره المشروعات وكده .... طب أنا معيش فلوس وكده أنا لسه متخرج
هقولك كل حاجه موجوده على اليوتيوب بس انت دور بس .
ونصحتى ليك ....
سواء هتشتغل مهندس مكتب فنى أو تصميم او إداره مشروعات لااااااااااازم تبدأ كمهندس موقع عشان ده هيفيدك كتير .
حاول تتعلم وطور من نفسك ديما حتى ولو مش فصميم شغلك بمعنى
يعنى أنت كمهندس بتدى الحداد تفصيله الكانه وهوه بيلفها وبيشكلها تمام ياهندسه وأيه المشكله فكده عااااادى ....
لا مش عادى هقولك وفيها أيه لو أتعلمت تلف الكانه ده بنفسك ....أزاى ياهندسه أنا مهندس برضه هوه انا هشتغل حداد
هقولك لا طبعا بس ده حاجه هضفلك خبره حتى لو بعيد عن شغلك كمهندس.
تعليقات: 0
إرسال تعليق